“Improving the lives of the millions of people is a noble endeavor. It can also be a lucrative one”

ഗ്രൂപ്പ് പേഴ്സണൽ ആക്സിഡന്റ് ഇൻഷ്വറൻസ് പദ്ധതി 2019 വർഷത്തേക്കുള്ള പ്രീമിയം തുക ഒടുക്കുന്നതിനുള്ള സമയപരിധി ദീര്‍ഘിപ്പിച്ച് ഉത്തരവായിരിക്കുന്നു.

2018 നവംമ്പര്‍ മാസത്തെ ശമ്പളബില്ലിനോടൊപ്പം ഗ്രൂപ്പ് പേഴ്സണൽ ആക്സിഡന്റ് ഇൻഷ്വറൻസ് പദ്ധതിയുടെ പ്രീമിയം തുക ഒടുക്കുവാന്‍ കഴിയാതിരുന്ന 31/12/2018 നകം സര്‍വ്വീസില്‍ പ്രവേശിച്ച അര്‍ഹരായ ജീവനക്കാര്‍ക്ക്, ഇന്‍ഷൂറന്‍സ് പരിരക്ഷ പ്രീമിയം കിഴിവ് നടത്തുന്ന തീയ്യതി മുതല്‍ മാത്രമായിരിക്കും എന്ന നിബന്ധനക്ക് വിധേയമായി, 2019 ഫെബ്രുവരി മാസത്തെ ശമ്പളബില്ലിനോടൊപ്പം 31/03/2019 വരെ പ്രീമിയം ഒടുക്കി ഈ പദ്ധതിയില്‍ ചേരുന്നതിന് GO(P)No.3/2019/Fin 18/01/2019 ഉത്തരവ് പ്രകാരം അനുമതി നല്‍കികൊണ്ട് ഉത്തരവായിരിക്കുന്നു. 2019 ജനുവരി മുതല്‍ സര്‍വ്വീസില്‍ പ്രവേശിക്കുന്ന പുതിയ ജീവനക്കാരെ 2019 ലെ പദ്ധതിയില്‍ ഉള്‍പ്പെടുത്തുന്നതല്ല. കെ.എസ്.ഇ.ബി ജീവനക്കാർ, കെ.എസ്.ആർ.ടി.സി. ജീവനക്കാർ എന്നിവരുടെ വാർഷിക പ്രീമിയം തുക യഥാക്രമം 850/- രൂപ, 550/- രൂപ എന്ന ക്രമത്തിലും കേരള സർവ്വീസ് ചട്ടത്തിന്റെ പരിധിയിൽ വരുന്നവരും എസ്.എൽ.ഐ/ജി.ഐ.എസ് എന്നിവ ഒടുക്കിവരുന്നവരുമായ മറ്റ് ജീവനക്കാരുടെ വാർഷിക പ്രീമിയം തുക 400/- രൂപ എന്ന ക്രമത്തിലും ആയിരിക്കും. പ്രീമിയം തുക 2019 ഫെബ്രുവരി മാസത്തെ ശമ്പളത്തിൽ നിന്ന് കിഴിവുചെയ്ത് 2019 മാര്‍ച്ച് 31 നുള്ളിൽ 8658-102-88-Suspense Account-GPAI Fund എന്ന ശീർഷകത്തിൽ ട്രഷറിയിൽ ഒടുക്കേണ്ടതാണ്.

ഗ്രൂപ്പ് പേഴ്സണൽ ആക്സിഡന്റ് ഇൻഷ്വറൻസ് പദ്ധതി 2019 വർഷത്തേക്ക് പുതുക്കി ഉത്തരവായിരിക്കുന്നു.

ഗ്രൂപ്പ് പേഴ്സണൽ ആക്സിഡന്റ് ഇൻഷ്വറൻസ് പദ്ധതി GO(P)No.175/2018/Fin 12/11/2018 ഉത്തരവ് പ്രകാരം 31/12/2019 വരെ ദീർഘിപ്പിച്ച് ഉത്തരവായിരിക്കുന്നു. കെ.എസ്.ഇ.ബി ജീവനക്കാർ, കെ.എസ്.ആർ.ടി.സി. ജീവനക്കാർ എന്നിവരുടെ വാർഷിക പ്രീമിയം തുക യഥാക്രമം 850/- രൂപ, 550/- രൂപ എന്ന ക്രമത്തിലും കേരള സർവ്വീസ് ചട്ടത്തിന്റെ പരിധിയിൽ വരുന്നവരും എസ്.എൽ.ഐ/ജി.ഐ.എസ് എന്നിവ ഒടുക്കിവരുന്നവരുമായ മറ്റ് ജീവനക്കാരുടെ വാർഷിക പ്രീമിയം തുക 400/- രൂപ എന്ന ക്രമത്തിലും തുടരുന്നതാണ്. 2019 വർഷത്തേക്കുള്ള പ്രീമിയം 2018 നവംമ്പർ മാസത്തെ ശമ്പളത്തിൽ നിന്ന് കിഴിവുചെയ്ത് ഡിസംമ്പർ 31 നുള്ളിൽ 8658-102-88-Suspense Account-GPAI Fund എന്ന ശീർഷകത്തിൽ ട്രഷറിയിൽ ഒടുക്കേണ്ടതാണ്.